Во рамките на програмата Jazz cinema, на Скопскиот џез фестивал, вечерва во 20 часот во киното „Фросина“ во Скопје ќе биде прикажан музичкиот документарец We Want the Funk! на режисерот и продуцент Стенли Нелсон. Филмот е од 2025 година, корежисер и продуцент е Никол Лондон.
Станува збор за синкопирана одисеја полна со ѕвезди и фанк патешествие коe ги прати и препознава и африканските и госпел корените, од Џејмс Браун до Parliament-Funkadelic. Фанк музиката е втемелена во радоста и е одраз на сензибилитетот на периодот по афро-американското движење за граѓански права. Филмот ја истражува симбиотската врска меѓу експлозијата на фанк музиката од Средниот запад на Америка и расно-политичките динамики на САД во социјално запоставените градски средини во 70-тите.
Срцето на филмот се личните приказни, спомените и искуствата на оние коишто го создадоа и дефинираа фанкот. Меѓу нив и Џорџ Клинтон. Филмот навлегува во придонесот на жанрот со архивски интервјуа на музички икони и неговото влијание врз современата музика, хип-хопот, модата и слободата. Во меѓувреме, филмот ги истражува грувот и ритмовите на фанкот кои доведуваат до транс, притоа потсетувајќи нè на радоста на животот низ танцот и јароста на самата слобода. “We Want to Funk” ќе ве натера и самите да станете и танцувате.
